Текст песни: Nei säget söue mir + перевод

Nei säget söue mir vo nüt me andrem tröime

Mir wo müesse läbe i de gottvergässne Schtedt

Wo me uf em Trottoir louft u we me über d Schtrass wott

Mues warte bis me vom ne grüene Liecht d Erloubnis het

U we me 's nid so macht de wird me überfaare

Isch das dr Andpunkt vor Entwicklig vo füftuusig Jaar

Nei säget söue mir vo nüt me andrem tröime

Mir wo müesse schaffe i re gottvergässne Schteu

Wo me wi nes Redli louft i re Maschine

Wo nimer überluegt u wo eim gseit wird was me söu

U we me nid geng ufpasst wird me überfaare

Isch das dr Andpunkt vor Entwicklig vo füftusig Jaar

Nei säget söue mir vo nüt me andrem tröime

Aus beschtefaus vo Ferie vierzäh Tag lang am ne Meer

Wo me Kriminauromän list under de Paume

Für z gsee wie 's wär we ds Läbe intressanter wär

Bis dass me schliesslech froh isch weider heizue z faara

Isch das dr Andpunkt vor Entwicklig vo füftusig Jaar

Nei säget söue mir vo nüt me andrem tröime

Aus säuber einisch z wärde wie die bessere Here wo

E Swimmingpool im Garte hei u uf Safari gö

Solang sie no ke Härzinfarkt hei übercho

Solang sie mit em Merzli no i ke Boum sii gfaare

Isch das dr Andpunkt vor Entwicklig vo Füftusig jaar

Перевод песни Nei säget söue mir