Текст песни: Se la face ay pale + перевод

Se la face ay pale

La cause est amer

C’est la principale

Et tant m’est amer

Amer, qu’en la mer

Me voudroye voir;

Or, scet bien de voir

La belle a qui suis

Que nul bien avoir

Sans elle ne puis

II

Se ay pesante malle

De dueil a porter

Ceste amour est male

Pour moy de porter;

Car soy deporter

Ne veult devouloir

Fors qu’a son vouloir

Obeisse, et puis

Qu’elle a tel pooir

Sans elle ne puis

III

C’est la plus reale

Qu’on puist regarder

De s’amour leiale

Ne me puis guarder

Fol sui de agarder

Ne faire devoir

D’amour recevoir

Fors d’elle, je cuis;

Se ne veil douloir

Sans elle ne puis

Перевод песни Se la face ay pale