Текст песни: Ayam Zaman + перевод

نفسي أرجع أعيش يوم واحد من أيام زمان

أيام ما كان الواحد دايما حاسس بالامان

بنعيش اليوم بيومه مش فاهمين غدر الزمان

صفحة اعمالنا لسه بيضا أحباب الرحمان

لسه ما فهمتش معنى الخبث. معنى الخيانة

لسه ما فهمتش انو فيه ناس سوسة وجبانة

ناس تطعن فيك من ضهرك وفي وشك تديك ابتسامة

(تطعن فيك من ضهرك وفي وشك تديك ابتسامة)

حتى الفلوس كانت بالنسبة الي شوية ورق

عشان خاطر الفلوس إنسان قتل إنسان سرق

الناس بقت على الفلوس مسعورة وفي سبق

اللى سبق كال النبأ مثل صدق صدق

نفسي أرجع أنام على سريري بتاع زمان

أول ما كنت أحط راسي ع المخدة انام

مش شايل هم ، شايف كارتون حاسس سلام

دلوقتي النوم بيهرب من التفكير و من الآلام

كان قلبي طيب أبيض ناعم من غير خدوش

اتحول غامق متجرح غريب وماعرفهوش

ببص ف المرايه مافهمتش ايه الحكايه

انسان بوشي متشوه لابس ماسك البشوش

كان قلبي طيب أبيض ناعم من غير خدوش

اتحول غامق متجرح غريب وماعرفهوش

ببص ف المرايه مافهمتش ايه الحكايه

انسان بوشي متشوه لابس ماسك البشوش

كل لما بكبر حجم ذنوبي بيكبر

واقول مش هذنب واذنب اكتر واكتر

كل لما بكبر جزء من وش الدنيا المتشوه يظهر

واعدائي بتكتر وبتفضل اعدائك تكتر طول ما انت بتكبر

اقرب ناس اليك هم اشرس اعدائك دي افجر

وشي زادت خطوطه كشر. وقلبي اتحجر

بطلت احس زي الاول بقى صعب اتاثر

بطلت اني اضحك من قلبي بطلت اعرف اكركر

قيمة معنى الصراحة راحة ما تتحسبش

الناس كل لما بتكبر فوق وشوشها بتلبس وش

عشان الدنيا تمشي كله بينافق ويغش

لو تكره حد وهيفيدك كرهك ليه ما تبينش

وانا اصغير لو كنت احب حد احضن وابوس

ولو كاره لحد وشي بيبدأ فى العبوس

فكرة ان اللي جوه غير بره مش فى القاموس

كل اللى باين عالمسرح هو اللي فى الكالوس

لسه فاكر لذة اول مرة فى كل حاجة

طول ما انت بتكبر لذتك بتتقتل اعادة

وبتفضل تتقتل وبتتحول من رغبة لعادة

حلاوة طعم الاكتشاف تقلب لقهوة سادة

كان قلبي طيب أبيض ناعم من غير خدوش

اتحول غامق متجرح غريب وماعرفهوش

ببص ف المرايه مافهمتش ايه الحكايه

انسان بوشي متشوه لابس ماسك البشوش

كان قلبي طيب أبيض ناعم من غير خدوش

اتحول غامق متجرح غريب وماعرفهوش

ببص ف المرايه مافهمتش ايه الحكايه

انسان بوشي متشوه لابس ماسك البشوش

كان قلبي طيب أبيض ناعم من غير خدوش

اتحول غامق متجرح غريب وماعرفهوش

ببص ف المرايه مافهمتش ايه الحكايه

انسان بوشي متشوه لابس ماسك البشوش

كان قلبي طيب أبيض ناعم من غير خدوش

اتحول غامق متجرح غريب وماعرفهوش

ببص ف المرايه مافهمتش ايه الحكايه

انسان بوشي متشوه لابس ماسك البشوش

ايام زمان

نفسي ارجع اعيش يوم واحد من أيام زمان